تبقبيقة

الربّي الكريم

آش ها العوج...السّماح

الّي كان ماشي ع السّراط والاّ يشاطي ويباطي وعامل عسّاس

الجهل والبهامة والنفخة و الڤمل

تي بدّلو علينا ها السّرج

اقلبوا لينا ها الرّيح

يا ربّي يا منّان

نرصّ نغمّ نبلع نغصّ

نطلع شويّة ما نسمع كان الدمّ (بالضمة د)

بق بق بق بق

الناس تبقبق، وفي وقت الصّندي تسمع كان

سيدي الفيل لازمتو فيلة تونسوا...

حتّى شيئ لا عاد عندوا قيمة في ها البلاد

لا الصّحبة صحبة

انت تتلفّت و تسمع التّكلات

ولا المحبّة محبّة

في زمان بو عنبة

دزّ جام

Ohhhh , je t’aime

Je t’adooore

حبّهم كي سراولهم...

حاسّة روحي خارجة مالأنتيكيتي

متحف باردو والاّ خابية مامّاتي

مازال منّو ها الخنّار

وما نحكيلكمش على الاخلاص و الوفاء والمبادئ و الوطن

بعدهم ما نسمع كان صوتك رنّان

يكبّ والله سعدك أكثر ماهو مكبوب

تي في سعد شكون نكبّ؟

وعلاش هكّة، علاش ولّينا هكّة

نضحكوا على الرّداءة

في زمان الفسوق والاّ مبدأ

الرّاجل صنعة صبّاب

والمرا عاهر بالأوراق

الفقوس فقّوس

زايد نستويو فيه...